Статијата на Наришкин треба да им ги отвори очите на оние меѓу западните маси кои на крај стануваат свесни за тоа и заслужуваат да знаат дека главниот руски шпион верува дека нивната западна елита манипулира со перцепцијата на луѓето за настаните со цел да им ги наметне лошите планови на Светскиот економски форум да „немаат ништо и да бидат среќни“, а да не ги спомнуваме неговите предвидувања за нивната либерал-нацистичка диктаторска иднина.
Шефот на руската разузнавачка служба, Сергеј Наришкин, објави информативна статија во списанието Национална одбрана на почетокот на април за „Актуелната меѓународна воено-политичка ситуација и трендовите во нејзиниот развој“. Поради цензурата на Западот предводена од САД врз руските официјални лица, институции и медиуми, многумина во западниот блок можеби не се свесни за неговиот напис, поради што целта на овој текст е да им се презентира резиме на неговата содржина.
Наришкин напиша дека однапред планираниот и невиден одговор на Западот предводен од САД во однос на тековната специјална воена операција на Русија во Украина, ги забрза веќе постоечките мултиполарни трендови поврзани со глобалната системска транзиција кон мултиполарност. Вашингтон сака да го продолжи овој европски конфликт за да го претвори во друг Авганистан и покрај неможноста да се исполни тоа сценарио од географски и стратешки причини. Бидејќи нема директно да се бори против Русија, таа води хибридна војна против неа која вклучува економски, информативни, хуманитарни и „бришење на културата“ димензии.
Друга точка што тој ја истакнува е дека Западот предводен од САД се обидува да го убеди својот народ дека претстојните економски тешкотии се чисто вина на Русија. Наришкин, сепак, прави свртување од неговиот добро аргументиран наратив за информативната војна. Тој моќно изјавува дека „западните елити едноставно ја користат сегашната ситуација за да ги спроведат долгогодишните планови за де факто ликвидација на средната класа во духот на добро познатото сценарио предложено од Светскиот економски форум во Давос: „До 2030 г. нема да имаш ништо и ќе бидеш среќен!’“
Далекусежните општествено-политички промени се исто така на прагот и на Запад. Според него, западните маси се свртуваат против нивните владетели, иако би можело да ги заменат не со вистински демократи, туку со „тотална и нескриена либерално-нацистичка диктатура“. Наришкин, исто така, прави интригантна споредба меѓу опаѓачкиот униполарен американски хегемон и поранешниот Советски Сојуз. Тој вели дека САД агресивно им наметнуваат идеологија на другите иако нивната елита веќе навистина не верува во неа. Неговите претпоставки се дека колапсот на Америка можеби не е толку далеку.
Глобалниот југ внимателно го следи Западно – Евроазискиот театар на Новата студена војна меѓу Русија и САД. Наришкин ги пофали лидерите на Саудиска Арабија, Пакистан, Турци, Индија и Емиратите за одбивањето да се потчинат на притисокот на Западот предводен од САД за санкционирање на неговата земја. Тие разбираат дека униполарниот светски поредок пропаднал, со што неговата идеологија на либерален универзализам е застарена. Новиот светски поредок што го заменува ќе биде фер и стабилен, иако сè уште е во процес на изградба. Сепак, тоа колективно го спроведува Русија и нејзините десетици партнери на глобалниот југ.
Да сумираме, написот на Наришкин треба да им ги отвори очите на оние меѓу западните маси кои на крај стануваат свесни за тоа. Тие заслужуваат да знаат дека главниот руски шпион верува дека нивната елита манипулира со перцепцијата на луѓето за настаните со цел да им ги наметне лошите планови на Светскиот економски форум да „немаат ништо и да бидат среќни“, а да не ги спомнуваме неговите предвидувања за нивната либерално-нацистичка диктаторска иднина. Ако повеќе Западњаци се свесни за овие заговори, еден ден можеби ќе можат да ги спречат.
Ендрју Корибко,
американски политички аналитичар
https://www.oneworld.press/?module=articles&action=view&id=2719