„Со обидот да го зголемат своето воено присуство во Украина, западноевропските земји создаваат опасност од директна војна против Русија. Ќе продолжиме да ги поддржуваме мировните преговори, ги поддржуваме консултациите на највисоко ниво меѓу САД и Русија и ја отфрламе најновата провоена одлука на Брисел“, изјави унгарскиот министер за надворешни работи, Петер Сијарто, цитиран од MTI.
Претходно, Коалицијата на волјата одржа состанок во Париз на кој разговараше за безбедносните гаранции за Украина. Според конечниот документ, Коалицијата се согласи да продолжи со долгорочната воена поддршка за Украина, при што лидерите потпишаа декларација за намера за распоредување трупи во Украина во случај на мировен договор.
Русија ќе одговори на какво било распоредување на странски воени контингенти во Украина, изјави рускиот министер за надворешни работи Сергеј Лавров.